بغداد: امام مہدی (عج) فاؤنڈیشن نے مرکز انسانی ترقی، فجر ثقافتی و سماجی فاؤنڈیشن، اور موکبِ فکرِ واعی کے تعاون سے امام موسیٰ کاظم (ع) کی یوم شہادت کے موقع پر دنیا بھر سے آنے والے زائرین کے لیے چوتھے ثقافتی پروگرام کا انعقاد کیا

اس پروگرام میں بچوں اور نوجوانوں کے لیے تخلیقی اور تعلیمی سرگرمیوں کا اہتمام کیا گیا، جنہیں زائرین کی جانب سے بے حد پذیرائی ملی۔ ان سرگرمیوں کا مقصد نوجوان نسل کو مذہبی اور ثقافتی اقدار سے روشناس کرانا اور ان کی اخلاقی و فکری تربیت کرنا تھا

ثقافتی موکب کی سرگرمیاں زیارت کے ماحول کو منفرد اور روحانی بنانے میں مددگار ثابت ہوئیں۔ زائرین نے اس اقدام کو نوجوانوں کی فکری اصلاح کے لیے مؤثر قرار دیا اور اسے مستقبل میں جاری رکھنے کی امید ظاہر کی

یہ موکب زیارت کے معنوی پہلوؤں کو اجاگر کرنے اور زائرین کے تجربے کو یادگار بنانے میں اہم کردار ادا کرتا رہا