حرم امام حسین علیہ السلام کے سیکرٹری جنرل حاج حسن رشید العبایجی نے قرآنی تعلیمات کو عام کرنے کے لیے مرکز دار القرآن کریم کی کاوشوں کو سراہتے ہوئے اس عزم کا اظہار کیا کہ قرآنی علوم کے فروغ کے لیے ہر ممکن اقدامات کیے جائیں گے

مرکز تبلیغ قرآن بین الاقوامی کے ڈائریکٹر حاج منتظر منصوری کے مطابق، سیکرٹری جنرل نے مرکز کی خدمات اور "قرآنی صلاحیتوں کی قومی سرپرستی کے منصوبے" کے تحت تربیت یافتہ طلبہ کی شاندار کارکردگی کو بھرپور انداز میں سراہا۔ یہ منصوبہ مرکز دار القرآن الكريم کے زیر انتظام چلایا جا رہا ہے

حالیہ ملاقات میں مرکز دار القرآن الکریم کے وفد نے شرکت کی، جس کی سربراہی قرآنی امور کے مشیر شیخ حسن منصوری کر رہے تھے۔ وفد میں اسلامی جمہوریہ ایران سے تعلق رکھنے والے ماہرین، ڈاکٹر مہدی دغاغلہ اور ڈاکٹر سعید رحمانی بھی شامل تھے۔ ملاقات میں قرآنی صلاحیتوں کی سرپرستی کرنے والی ٹیموں کی کارکردگی کا جائزہ لیا گیا اور آئندہ کے منصوبے پیش کیے گئے

اس موقع پر ایک ہونہار طالب علم نے دلکش قرآنی تلاوت پیش کی، جبکہ اہل بیت علیہم السلام کی مدح پر مبنی قصیدے بھی پیش کیے گئے۔ ان روح پرور لمحات نے شرکاء کے دلوں کو منور کیا

حاج حسن رشید العبایجی نے مرکز تبلیغ قرآن بین الاقوامی کی خدمات کو سراہتے ہوئے کہا کہ عراقی قارئین اور حفاظ کی تربیت میں مرکز کا کردار بے مثال ہے۔ انہوں نے کہا کہ حرم امام حسین علیہ السلام قرآن کریم کی تعلیمات کو فروغ دینے اور حفاظ و قراء کی صلاحیتوں کو نکھارنے کے لیے اپنی حمایت جاری رکھے گا

سیکرٹری جنرل نے اس بات پر زور دیا کہ قرآنی علوم کو مزید پھیلانے کے لیے مرکز دار القرآن الکریم کی کاوشیں قدر کی نگاہ سے دیکھی جاتی ہیں، اور ان کی حوصلہ افزائی کے لیے ہر ممکن اقدامات کیے جائیں گے

ابو علی