بابل میں مقام امام جعفر صادق علیہ السلام پر عتبہ حسینیہ کی جانب سے جدید سیکیورٹی کیمروں کا نظام نصب کر دیا گیا ہے، جو مقدس مقام کی حفاظت اور امن و امان کے قیام کے لیے ایک اہم قدم ہے

عتبہ حسینیہ کے شعبہ الیکٹرانک نگرانی کے انچارج انجینئر نصیر عبد الامیر نے "کربلاء ٹوڈے" کو انٹرویو دیتے ہوئے بتایا کہ یہ منصوبہ عراق کے مقدس مقامات کی حفاظت کو یقینی بنانے اور زائرین کے لیے پرامن ماحول فراہم کرنے کی عتبہ حسینیہ کی کوششوں کا حصہ ہے

انہوں نے وضاحت کی کہ نصب کیے گئے کیمرے جدید فائبر آپٹک ٹیکنالوجی پر مبنی ہیں، جو ڈیٹا کی تیز رفتار اور مستحکم ترسیل فراہم کرتے ہیں، اور ان کی مدد سے نگرانی کا عمل زیادہ مؤثر اور قابل اعتماد ہو گیا ہے

منصوبے کے تحت کل 17 جدید کیمرے نصب کیے گئے ہیں، جو اندرونی اور بیرونی مقامات کے لیے 4 میگا پکسل کے اعلیٰ معیار پر مبنی ہیں۔ یہ کیمرے عالمی معیارات کے مطابق نصب کیے گئے ہیں اور ان کے ساتھ اضافی پاور سپلائی (انورٹر) کا انتظام بھی کیا گیا ہے تاکہ بجلی کی مسلسل فراہمی کو یقینی بنایا جا سکے۔ اس جدید نظام کی بدولت مقام کے اہم حصوں کی کڑی نگرانی ممکن ہو گئی ہے

انجینئر نصیر عبد الامیر نے مزید کہا کہ نصب شدہ کیمرے نہ صرف طویل مدتی پائیداری فراہم کرتے ہیں بلکہ ان کی کارکردگی بھی انتہائی قابل اعتماد ہے۔ یہ منصوبہ عتبہ حسینیہ کی جانب سے مقدس مقامات کی حفاظت کے لیے جدید ٹیکنالوجی کے استعمال اور زائرین کے لیے ایک محفوظ اور آرام دہ ماحول فراہم کرنے کے عزم کی عکاسی کرتا ہے

ابو علی