کاظمین میں زیارتِ رجبیہ کے دوران حرمِ امام حسین علیہ السلام کے زیر اہتمام تین فری میڈیکل مراکز قائم کیے گئے، جہاں دنیا بھر سے آنے والے 6000 سے زائد زائرین کو معیاری طبی سہولیات فراہم کی گئیں

طبی مراکز میں باطنی امراض، جراحی، فیملی میڈیسن، ایمرجنسی، اور امراضِ قلب کے ماہرین موجود تھے، جبکہ طبی عملہ 24 گھنٹے کی شفٹوں میں خدمات انجام دیتا رہا۔ ہر شفٹ 12 گھنٹے پر مشتمل تھی، جس میں ماہر ڈاکٹرز، نرسز، فارماسسٹ اور تقریباً 20 رضاکار شامل تھے

طبی ٹیم کے سربراہ ڈاکٹر تحسین مجید المختاران کے مطابق، ہنگامی حالات سے نمٹنے کے لیے جدید آلات فراہم کیے گئے تھے، جن میں ای سی جی مشین، آکسیجن سپلائی، نیبولائزر، ڈیفبریلیٹر، اور آکسیجن جنریٹر شامل ہیں

چار دنوں کے دوران، زیادہ تر مریضوں کو معمولی نوعیت کے مسائل جیسے پیدل چلنے کے دوران زخموں کی مرہم پٹی اور معمولی جراحی کی ضرورت پیش آئی۔ خوش قسمتی سے کوئی سنگین حادثہ یا موت واقع نہیں ہوئی، اور بہت کم مریضوں کو اسپتال منتقل کرنا پڑا

حرمِ امام حسین علیہ السلام کے یہ طبی مراکز زائرین کی خدمت کا ایک مثالی نمونہ ہیں، جنہوں نے طبی خدمات کو بغیر کسی وقفے کے جاری رکھتے ہوئے زائرین کو مکمل سہولیات فراہم کیں