کربلاء کے محکمہ زراعت میں شعبہ پلانٹ پروٹیکشن نے موسم خزاں میں زرعی پیداوار بڑھانے کے لیے کربلاء کے باغات میں آڑو اور چمبیلی کے پھولوں کو مکھیوں سے بچانے کے لیے مفت سپرے مہم کا آغاز کیا ہے

محکمے کے سربراہ، زرعی انجینئر ماجد حمید البھادلی نے کربلاء انٹرنیشنل نیوز ایجنسی کو دیے گئے انٹرویو میں کہا کہ موسم خزاں میں زرعی پیداوار بڑھانے کے لیے کربلاء کے باغات میں وزارت زراعت نے کیڑے مار سپرے مہم شروع کی ہے۔ اس مہم میں 2500 دستی پمپ والی سپرے مشینوں کے ذریعے 1276 لیٹر کیڑے مار دوائی کا سپرے کیا جائے گا، جس کا مقصد پھلوں کی پیداوار میں اضافہ کرنا ہے۔

انہوں نے مزید کہا کہ کربلاء ایگریکلچر ڈائریکٹوریٹ میں محکمہ زراعت کے عملے اور یونٹس کی براہ راست نگرانی میں یہ مہم چلائی جا رہی ہے، اور وزارت زراعت کے زرعی تحفظ کے شعبے کی مکمل ہدایات پر عمل کیا جا رہا ہے۔

ان باغات کے مالکان ہماری ٹیموں کے ساتھ باقاعدہ تعاون کر رہے ہیں۔ وہ گرے ہوئے پھلوں کو جمع کر کے یا تو جلا رہے ہیں یا انہیں پلاسٹک کے تھیلوں میں ڈال کر دفن کر رہے ہیں تاکہ ان کیڑوں کی افزائش کو روکا جا سکے

المشھدی