حرمِ امام حسینؑ کے شعبہ دارالقرآن الکریم نے زیارتِ اربعین کے موقع پر کربلائے معلّیٰ کی جانب جانے والے راستوں پر اپنا قرآنی تبلیغی و تعلیمی پروگرام شروع کر دیا ہے

اس پروگرام کے تحت زائرین کے راستوں میں درجنوں قرآنی مراکز قائم کیے گئے ہیں، جن کا مقصد قرآنی ثقافت کو فروغ دینا، زائرین کے دینی شعور کو بیدار کرنا اور ان کے دلوں میں قرآنِ کریم سے انس و محبت کو مزید مستحکم کرنا ہے

دارالقرآن الکریم کے ڈائریکٹر عماد الواجدی نے بتایا کہ اس پروگرام کے تحت کربلا کی جانب جانے والے مختلف راستوں پر متعدد قرآنی مراکز قائم کیے گئے ہیں، جہاں زائرین کو قرآنِ کریم کی تعلیمات سے روشناس کرانے، دینی رہنمائی فراہم کرنے اور اسلامی اقدار کو فروغ دینے کے لیے مختلف تربیتی، تبلیغی اور آگاہی پروگرام پیش کیے جا رہے ہیں

انہوں نے کہا کہ ان پروگراموں کا مقصد قرآنی ثقافت کو عام کرنا، دینی تعلیمات کے بارے میں شعور اجاگر کرنا اور زیارتِ اربعین کے روحانی ماحول سے ہم آہنگ دینی رہنمائی فراہم کرنا ہے

دوسری جانب، عالمِ دین سید خالد الغالبی نے بتایا کہ ان قرآنی مراکز کے قیام کا بنیادی مقصد زائرین کے دینی شعور کو مضبوط بنانا ہے

ان مراکز پر عقائد سے متعلق رہنمائی، شرعی و فقہی سوالات کے جوابات اور صحیح اسلامی تعلیمات کی روشنی میں دینی رہنمائی فراہم کی جا رہی ہے، تاکہ زائرینِ امام حسینؑ اپنے سفرِ زیارت کے دوران قرآنِ کریم سے اپنے تعلق کو مزید مضبوط کریں اور دینی معرفت سے بھی بھرپور استفادہ حاصل کر سکیں