سابق امیر جماعت اسلامی پاکستان، جناب سراج الحق صاحب نے آج امام حسین ثقافتی سنٹر اسلام آبادکا دورہ کیا

سابق امیر جماعت اسلامی پاکستان، جناب سراج الحق صاحب نے آج امام حسین ثقافتی سنٹر، اسلام آباد کا دورہ کیا۔ اس موقع پر انہیں مرکز کی علمی، دینی، ثقافتی اور سماجی سرگرمیوں اور مستقبل کے پروگراموں کے حوالے سے تفصیلی بریفنگ دی گئی۔ انہوں نے مرکز کی خدمات کو سراہتے ہوئے علم و آگہی کے فروغ، مثبت فکری مکالمے، بین المسالک ہم آہنگی اور اسلامی اقدار کی ترویج کے لیے اس نوعیت کی کاوشوں کو نہایت اہم اور قابلِ تحسین قرار دیا۔

اس موقع پر حجۃ الاسلام والمسلمین جناب شیخ احمد حسین فخرالدین اور امام حسین ثقافتی سنٹر کے مسئول جناب محمد عسکری نے جناب سراج الحق صاحب کا خیرمقدم کیا اور انہیں ادارے کے اغراض و مقاصد، جاری سرگرمیوں اور مستقبل کے منصوبوں سے آگاہ کیا۔

دورے کے اختتام پر جناب سراج الحق صاحب نے امام حسین ثقافتی سنٹر کی کامیابی، ترقی اور اس کی دینی و سماجی خدمات کے لیے نیک تمناؤں کا اظہار کیا۔