کراچی پاکستان: قومی ایئر لائن پی آئی اے نے محرم الحرام کے موقع پر عاشورکیلئے عراق جانے والے پاکستانیوں کےلئے اپنی پروازوں کے شیڈول کو حتمی شکل دے دی۔

اس حوالے سے ذرائع کا کہنا ہے کہ عاشورہ پر زائرین کی سہولیات کو مدنظر رکھتے ہوئے7 خصوصی پروازیں عراق کے شہر نجف روانہ ہوں گی۔

ذرائع کے مطابق مذکورہ خصوصی پروازوں کے باقاعدہ سلسلے کا آغاز کل 2 اگست بروز منگل سے شروع ہوگا اور 7 اگست تک جاری رہے گا۔

ترجمان پی آئی اے نے میڈیاسے گفتگو کرتے ہوئے کہا ہے کہ قومی ادارہ اپنی روایات کے مطابق زائرین کو حتی الامکان تمام سہولیات فراہم کرے گا۔

ان کا کہنا ہے کہ پروازیں کراچی تا نجف الاشرف روانہ ہوں گی اور ملک کے دیگر شہروں سے آسان کنکشن فراہم کئے جائیں گے۔

ترجمان کا مزید کہنا ہے کہ پی آئی اے پر سال کی طرح اس سال بھی عاشورہ کے ساتھ ساتھ اربعین کیلئے پروازیں ترتیب دے رہا ہے، پروازوں پر زائرین کی بکنگ کا آغاز کردیا گیا