حرمِ امام حسین علیہ السلام کے زیرانتظام فکری و ثقافتی مرکز بینۃ نے ایران سے آنے والے ایک علمی وفد کا استقبال کیا

اس وفد میں مشہدِ مقدس کی حوزاتِ علمیہ کے متعدد علمائے کرام اور فضلائے عظام شامل تھے، جن کی قیادت آیت اللہ ڈاکٹر علی خیّاط (ڈائریکٹر حوزاتِ علمیہ خراسان) کر رہے تھے

مرکز بینۃ کے ڈائریکٹر شیخ علی قرعاوی نے کربلاء ٹوڈے نیوز ایجنسی سے بات کرتے ہوئے کہا کہ یہ دورہ دونوں اداروں کے درمیان علمی تجربات کے تبادلے کو مضبوط بنانے اور مشترکہ تحقیقی تعاون کو وسعت دینے کی ایک اہم کڑی ہے، جس میں کانفرنسوں، سمیناروں، ورکشاپس اور خصوصی علمی نشستوں جیسی سرگرمیوں کا انعقاد شامل ہے

شیخ قرعاوی نے مزید کہا کہ یہ ملاقات دونوں اداروں کے مابین گہرے علمی و فکری تعلقات کی واضح مثال ہے

انہوں نے اس موقع پر مرکز کی نمایاں سرگرمیوں، پروگراموں اور اس کی علمی و ثقافتی خدمات کا تفصیلی تعارف بھی پیش کیا

مزید بتایا گیا کہ وفد نے مرکز کی علمی کاوشوں، معاشرے پر اثر انداز ہونے والی تصانیف اور فکری خدمات کو سراہتے ہوئے گہری مسرت کا اظہار کیا، اور اس تعمیری تعاون کے تسلسل کو نہایت اہم قرار دیا، کیونکہ اس کے مثبت اثرات علمی میدان میں نمایاں طور پر ظاہر ہوں گے