امریکی و اسرائیلی حملوں میں شہید ہونے والے ایران کے رہبرِ انقلاب اسلامی آیت اللہ سید علی خامنہ ای کی نمازِ جنازہ نجف اشرف میں روضۂ امیرالمؤمنین حضرت علیؑ میں ادا کر دی گئی

شہید رہبر کا جسدِ اطہر نجف انٹرنیشنل ایئرپورٹ پہنچا تو رقت انگیز مناظر دیکھنے میں آئے، جہاں عراقی حکام اور ایرانی صدر مسعود پزشکیان نے میت کا استقبال کیا

نمازِ جنازہ کے بعد شہید رہبر کا تاریخی جلوسِ جنازہ کربلائے معلیٰ کی جانب روانہ ہوا، جس میں لاکھوں سوگوار شریک ہیں۔ ان کے ہمراہ شہید ہونے والے اہلِ خانہ کے اجساد بھی کربلا منتقل کیے گئے، جہاں روضۂ امام حسینؑ پر حاضری اور مراسمِ تعزیت ادا کیے جائیں گے

اس سے قبل ایران کے مقدس شہر قم میں لاکھوں افراد کی شرکت سے عظیم الشان جلوسِ جنازہ برآمد ہوا، جس میں سوگواروں نے اپنے شہید رہبر کو پرسوز انداز میں الوداع کہا۔ قم میں مراسم کی تکمیل کے بعد رات کے وقت میتوں کو عراق منتقل کیا گیا

ذرائع کے مطابق نجف اور کربلا میں مذہبی مراسم کی ادائیگی کے بعد شہداء کے اجساد دوبارہ ایران منتقل کیے جائیں گے، جہاں ان کی تدفین ان کے آبائی شہر مشہد میں روضۂ امام رضاؑ کے احاطے میں کی جائے گی