نائب کمانڈر جوائنٹ آپریشنز اور زیاراتِ ملیونیہ کی اعلیٰ سیکیورٹی کمیٹی کے سربراہ، لیفٹیننٹ جنرل قیس المحمداوی کی زیرِ صدارت گزشتہ روز ایک اہم اجلاس منعقد ہوا، جس میں یومِ عاشورا کے موقع پر کربلا آنے والے عزاداروں اور ماتمی جلوسوں کے لیے سیکیورٹی و خدماتی انتظامات کا تفصیلی جائزہ لیا گیا

بیان کے مطابق اجلاس میں اعلیٰ سطحی حکام نے شرکت کی، جن میں زیارات کی خدماتی کمیٹی کے سربراہ، جوائنٹ آپریشنز ہیڈکوارٹر کے افسران، عسکری انٹیلی جنس کے ڈائریکٹر، وزارتِ داخلہ کے انٹیلی جنس امور کے انڈر سیکریٹری، ڈائریکٹر آپریشنز، عتباتِ عالیات کے نمائندگان، بری فوج کی قیادت، حشد الشعبی، وزیرِ اعظم کے دفتر کے نمائندگان، مختلف وزارتوں اور خدماتی اداروں کے ذمہ داران، متعلقہ سیکیورٹی اداروں کے افسران، آپریشنز کمانڈرز، پولیس کمانڈرز، حشد الشعبی کے محوری ذمہ داران اور مقامی حکومتوں کے نمائندے شامل تھے۔ بعض شرکاء نے ویڈیو کانفرنس کے ذریعے اجلاس میں شرکت کی

اجلاس میں ممکنہ چیلنجز اور درپیش مسائل پر غور کیا گیا، جبکہ تمام ضروری انتظامات کو حتمی شکل دینے کے لیے مختلف پہلوؤں کا جائزہ لیا گیا۔ اس موقع پر متعلقہ اداروں کو ہدایت کی گئی کہ وہ اپنی ذمہ داریوں اور دائرۂ اختیار کے مطابق پیشگی تیاریوں کو مکمل کریں

اجلاس کے دوران خدماتی کمیٹی کے سربراہ نے تفصیلی بریفنگ دیتے ہوئے زائرین کو فراہم کی جانے والی سہولیات، مختلف اداروں کے درمیان رابطہ کاری کے طریقۂ کار اور سیکیورٹی و خدماتی اقدامات کے باہمی تعاون پر روشنی ڈالی، تاکہ زیارت کے انتظامات کو کامیاب اور منظم بنایا جا سکے

اجلاس کے اختتام پر لیفٹیننٹ جنرل قیس المحمداوی نے متعدد اہم ہدایات جاری کرتے ہوئے سیکیورٹی اور خدماتی کمیٹیوں کے درمیان مکمل تعاون اور مشترکہ کاوشوں کی ضرورت پر زور دیا، تاکہ اس عظیم مذہبی مناسبت کے انتظامات بہترین انداز میں انجام دیے جا سکیں، خصوصاً ایسے وقت میں جب ملک کے اندر اور بیرونِ ملک سے لاکھوں زائرین عراق کا رخ کرتے ہیں