قصة الولاء لأهل البيت عليهم السلام في المدينة التركيّة المنسيّة هاتايمؤسسۂ العین ایک لاکھ سے زائد یتیم بچوں کی کفالت کر رہا ہے
کربلا: مؤسسۂ العین برائے سماجی بہبود ایک لاکھ سے زائد یتیم بچوں کو ماہانہ مالی امداد مقررہ اوقات میں فراہم کر رہا ہے
یہ اقدام یتیم بچوں اور ان کے خاندانوں کی کفالت اور معاشرتی استحکام کو یقینی بنانے کے لیے جاری جامع پروگرام کا حصہ ہے
مؤسسہ کی خدمات صرف مالی کفالت تک محدود نہیں بلکہ یتیم بچوں اور ان کے خاندانوں کو زندگی کے مختلف شعبوں میں جامع سہولیات فراہم کی جا رہی ہیں
ان میں بنیادی ضروریاتِ زندگی پوری کرنے کے لیے ماہانہ وظائف اور براہِ راست مالی معاونت کی باقاعدہ فراہمی شامل ہے
اس کے علاوہ رہائشی سہولیات کی فراہمی، مکانات کی مرمت اور بہتر و باوقار ماحولِ زندگی کی فراہمی کے لیے بھی خصوصی امدادی پروگرام جاری ہیں
صحت اور تعلیم کے شعبوں میں بھی مؤسسہ خصوصی توجہ دے رہا ہے
اس سلسلے میں یتیم بچوں کی صحت کی مسلسل نگرانی، علاج معالجے کی سہولیات اور ان کی تعلیم کا سلسلہ برقرار رکھنے کے لیے تعلیمی اخراجات اور ضروری سامان فراہم کیا جاتا ہے
مؤسسۂ العین اس جامع نظام کے ذریعے یتیم بچوں کے لیے ایک محفوظ اور سازگار ماحول فراہم کرنے کی کوشش کر رہا ہے، تاکہ ان کے نفسیاتی اور معاشرتی استحکام کو یقینی بنایا جا سکے اور انہیں محتاجی، دوسروں کے سامنے دستِ سوال دراز کرنے اور تعلیم سے محرومی جیسے مسائل سے محفوظ رکھا جا سکے
ماہانہ مالی امداد کی مقررہ وقت پر باقاعدہ ادائیگی مؤسسہ کے منظم انتظامی اور مالی نظام کی عکاسی کرتی ہے، جس کا بنیادی مقصد شفافیت اور یتیم بچوں کی عزتِ نفس کو ملحوظ رکھتے ہوئے امداد کو حقیقی مستحقین تک پہنچانا ہے
