حرم امام حسینؑ سے وابستہ امام حسینؑ میڈیکل کمپلیکس نے بروز جمعرات، یکم اکتوبر سے خصوصی رعایتی مہم شروع کرنے کا اعلان کیا ہے

جس کے تحت متعدد طبی معائنے اور دیگر طبی خدمات کی فیس میں 50 فیصد تک کمی کی جائے گی

میڈیکل کمپلیکس کے ڈائریکٹر ڈاکٹر علاء عبدالرحمن حبیب الجنابی نے بتایا کہ یہ اقدام اعلیٰ دینی مرجعیت کے نمائندے شیخ عبدالمہدی الکربلائی کی زیرِ سرپرستی شروع کیا جا رہا ہے۔ اس مہم کے تحت داخلی امراض اور خواتین کے امراض کے شعبوں میں فراہم کی جانے والی متعدد طبی خدمات اور طبی معائنے پر خصوصی رعایت دی جائے گی

انہوں نے وضاحت کی کہ اس اقدام کا مقصد طبی سہولیات کی فراہمی کو مزید بہتر بنانا، شہریوں کو کم فیس پر طبی خدمات فراہم کرنا اور معاشرے کے مختلف طبقات کی معاونت کرنا ہے

یہ اقدام حرم امام حسین علیہ السلام کے اداروں کی جانب سے دینی مناسبتوں کے موقع پر شروع کیے جانے والے مختلف عوامی و انسانی خدمت کے پروگراموں کی ایک کڑی ہے، جس کے ذریعے طبی اداروں کے معاشرتی کردار کو مضبوط بنانے اور عوام کو طبی خدمات فراہم کرنے کے عزم کا اظہار کیا گیا ہے