کربلا: عراق کے صدرِ مملکت جناب نزار آمیدی نے کربلا معلیٰ کا دورہ کیا، جہاں انہوں نے حرمِ امام حسین علیہ السلام اور حرمِ حضرت ابوالفضل العباس علیہ السلام میں حاضری دے کر زیارت کی

حرمِ امام حسینؑ میں حرم کے سیکریٹری جنرل جناب حسن رشید العبایجی نے صدرِ مملکت کا استقبال کیا، جبکہ حرمِ حضرت ابوالفضل العباسؑ میں متولیِ شرعی کے دفتر کے ڈائریکٹر اور دیگر اعلیٰ حکام نے ان کا خیرمقدم کیا

صدرِ مملکت نے دونوں مقدس روضوں میں حاضری کے دوران زیارت اور عبادت کے ساتھ ملک کی سلامتی، ترقی اور سربلندی کے لیے دعا کی اور زائرین کے لیے فراہم کی جانے والی مختلف خدمات کا جائزہ لیا

اس موقع پر صدرِ مملکت کو حرم کی جانب سے زائرین اور عوام کی خدمت کے لیے جاری مختلف ترقیاتی، خدماتی، مذہبی اور ثقافتی منصوبوں کے بارے میں بریفنگ دی گئی، جبکہ زائرین کی سہولت اور بہتر خدمات کی فراہمی کے لیے کیے جانے والے اقدامات سے بھی آگاہ کیا گیا

صدرِ مملکت نے حرمِ امام حسینؑ اور حرمِ حضرت ابوالفضل العباسؑ کی جانب سے زائرین اور عوام کو فراہم کی جانے والی وسیع خدمات کو سراہا

انہوں نے بالخصوص اربعینِ حسینی کے دوران لاکھوں زائرین کے لیے فراہم کی جانے والی مثالی خدمات، انتظامات اور سہولیات کی بھی تعریف کی