حرمِ امام حسینؑ کے شعبۂ حفظِ نظام کے ماتحت الیکٹرانک مانیٹرنگ یونٹ نے اعلان کیا ہے کہ زیارتِ اربعین کے موقع پر دنیا بھر سے آنے والے کروڑوں زائرین کی حفاظت اور سیکیورٹی کو یقینی بنانے کے لیے جامع انتظامات کیے گئے ہیں

الیکٹرانک مانیٹرنگ یونٹ کے انچارج انجینئر نصیر الطائی نے بتایا کہ صحنِ عقیلہؑ کے نئے حصوں، بابِ قبلہ کے سرداب، تلاشی مراکز، صحن کے داخلی راستوں اور مخیم کے اطراف میں جدید تھری ڈی نگرانی کے کیمرے نصب اور فعال کر دیے گئے ہیں

انہوں نے کہا کہ الیکٹرانک مانیٹرنگ یونٹ سیکیورٹی اداروں کے ساتھ مسلسل رابطے اور تعاون میں مصروف ہے، جبکہ جدید فیس ریکگنیشن نظام کی مدد سے متعدد مطلوب افراد کو گرفتار بھی کیا جا چکا ہے۔ اس کے علاوہ نگرانی کے نظام سے منسلک تمام آلات کو زیارتِ اربعین کے لیے مکمل طور پر تیار کر لیا گیا ہے

انجینئر نصیر الطائی کے مطابق نگرانی کے اس جدید نظام کے تحت نصب کیمروں کی مجموعی تعداد 2500 سے تجاوز کر چکی ہے، جو زائرین کے تحفظ، بہتر نظم و نسق اور مؤثر سیکیورٹی انتظامات کے لیے حرمِ امام حسینؑ کی جانب سے کیے گئے وسیع تکنیکی اقدامات کی عکاسی کرتی ہے