مرکزِ امام حسینؑ استنبول کے تعاون سے یکم محرم الحرام سے 13 محرم الحرام تک روزانہ مجالسِ عزاء کا انعقاد کیا جا رہا ہے

حرمِ امام حسینؑ کے بین الاقوامی میڈیا ڈیپارٹمنٹ کے ذیلی ادارے، مرکزِ امام حسینؑ استنبول کے مدیر صباح الطالقانی نے بتایا کہ حرمِ حسینی کے شعبۂ فکری و ثقافتی امور کے تعاون سے معروف خطیبِ حسینی شیخ مازن التمیمی ان مجالس سے خطاب کر رہے ہیں

انہوں نے کہا کہ مؤسسۂ آلِ بیتؑ اور انجمنِ اہلِ بیتؑ کے اشتراک سے روزانہ مجالسِ عزاء کا سلسلہ جاری ہے، جبکہ مردوں، خواتین اور بچوں کے لیے علیحدہ علیحدہ انتظامات بھی کیے گئے ہیں

صباح الطالقانی نے مزید بتایا کہ اس کے ساتھ ساتھ چوتھے سالانہ اجتماع کی تیاریوں پر بھی کام جاری ہے، جو اس سال ترکی کے جنوبی شہر ہاتائے میں منعقد ہوگا۔ یہ شہر حالیہ تباہ کن زلزلے سے شدید متاثر ہوا تھا اور اس کے بڑے حصے کو نقصان پہنچا تھا۔

انہوں نے کہا کہ اہلِ ہاتائے سے اظہارِ ہمدردی اور یکجہتی کے طور پر عتبۂ حسینیہ مقدسہ کا ایک خصوصی وفد یومِ عاشور، 10 محرم الحرام کو وہاں حضرت امام حسینؑ کی شہادت کی یاد میں مجالسِ عزاء اور دیگر عزائی مراسم کا انعقاد کرے گا