حرمِ امام حسینؑ کے شعبۂ حفظِ نظام کے زیرِ اہتمام مختلف عراقی صوبوں سے تعلق رکھنے والے رضاکاروں کے مسئولین، ان کے معاونین اور رضاکار گروپوں کے سربراہان کی دوسری سالانہ کانفرنس منعقد ہوئی

یہ کانفرنس نہجِ حسینؑ پر چلتے ہوئے ہم خدمت انجام دیتے ہیں کے عنوان سے خاتم الانبیاء ہال میں منعقد کی گئی، جس میں امام حسینؑ کے زائرین کی خدمت میں مصروف رضاکار اداروں اور گروپوں کی نمائندگی کرنے والی 200 سے زائد شخصیات نے شرکت کی

شعبۂ حفظِ نظام کے سربراہ انجینئر رسول عباس فضالہ نے کہا کہ کانفرنس کا مقصد گزشتہ سال کے دوران انجام دی گئی خدمات اور حاصل شدہ کامیابیوں کا جائزہ لینا، رضاکاروں کو درپیش چیلنجز اور مشکلات پر تبادلۂ خیال کرنا، نیز ان کی رہائش، لاجسٹک سہولیات اور انتظامی خدمات سے متعلق ضروریات کا تفصیلی جائزہ لینا تھا

انہوں نے مزید بتایا کہ کانفرنس کے مختلف اجلاسوں میں رضاکار گروپوں کی کارکردگی سے متعلق تفصیلی امور پر گفتگو کی گئی، ممکنہ کمیوں اور کوتاہیوں کی نشاندہی کی گئی اور ان کے مؤثر حل پر غور کیا گیا۔ اس کے علاوہ سیکیورٹی امور کا جائزہ لیتے ہوئے ممکنہ خامیوں کی نشاندہی اور ان کے مناسب حل بھی تجویز کیے گئے تاکہ زائرین کو فراہم کی جانے والی خدمات کے معیار کو مزید بہتر بنایا جا سکے

انجینئر رسول عباس فضالہ نے کہا کہ کانفرنس متعدد اہم سفارشات اور نئی تجاویز کے ساتھ اختتام پذیر ہوئی، جن پر موجودہ زیارتی سیزن کے دوران عمل درآمد کیا جائے گا۔ ان اقدامات کا مقصد انتظامی کارکردگی کو مزید مؤثر بنانا، رضاکارانہ خدمات کو فروغ دینا اور زائرینِ امام حسینؑ کی خدمت کے لیے جاری کوششوں کو مزید مضبوط اور منظم بنانا ہے