کربلا مقدسہ کے گورنر نصیف الخطابی نے اعلان کیا ہے کہ شہر میں اسمارٹ سٹی منصوبے پر عملی کام جلد شروع کر دیا جائے گا

انہوں نے کہا کہ کربلا مقدسہ ماحولیاتی تحفظ اور آلودگی میں کمی کے حوالے سے نمایاں پیش رفت کر رہا ہے۔ شہر میں گندے پانی کو صاف کیے بغیر دریاؤں میں خارج نہیں کیا جاتا، جبکہ سرسبز علاقوں میں اضافے اور شہر کے وسط میں نکاسیٔ آب کی نالیوں کی اصلاح کے لیے بھی اقدامات کیے گئے ہیں۔ ان نالیوں کو واٹر ٹریٹمنٹ اسٹیشنز یا دیگر ترقیاتی منصوبوں میں تبدیل کیا جا رہا ہے

گورنر کے مطابق ان اقدامات سے شہر کے ماحول کو بہتر بنانے اور آلودگی میں کمی لانے میں نمایاں مدد ملی ہے

انہوں نے مزید بتایا کہ کربلا مقدسہ میں 200 دونم رقبے پر سرمایہ کاری کے تحت ایک اسمارٹ سٹی قائم کیا جا رہا ہے، جس میں 1400 سے زائد رہائشی یونٹس شامل ہوں گے

نصیف الخطابی نے کہا کہ اس منصوبے پر عملی کام جلد شروع ہو جائے گا۔ اسمارٹ سٹی میں کچرا جمع کرنے کے لیے جدید اور ذہین نظام متعارف کرایا جائے گا، جس سے صفائی کے نظام کو مؤثر بنانے اور شہری خدمات کو مزید بہتر بنانے میں مدد ملے گی