کربلا میونسپلٹی کے ڈائریکٹر حسن الشریفی نے کہا ہے کہ یومِ عاشوراء کے موقع پر دنیا بھر سے لاکھوں زائرین کی آمد کے پیشِ نظر بلدیہ نے اپنی خدماتی سرگرمیاں ہنگامی بنیادوں پر جاری رکھیں

شہر کے مرکزی علاقوں، روضۂ امام حسینؑ کے اطراف اور زائرین کے گزرگاہوں میں صفائی، کوڑا کرکٹ اٹھانے اور دیگر بلدیاتی خدمات بروقت اور مسلسل فراہم کی گئیں

انہوں نے بتایا کہ بلدیہ کے تقریباً 2,468 صفائی کارکن، انتظامی و فنی عملہ، سپروائزرز، سیکٹر انچارجز اور ڈرائیورز پوری استعداد کے ساتھ خدمات انجام دیتے رہے، تاکہ لاکھوں زائرین کو بہترین سہولیات فراہم کی جا سکیں

حسن الشریفی کے مطابق 1,600 سے زائد صفائی کارکن قنطرۃ السلام سے شارع العباس اور وہاں سے بابِ قبلۂ امام حسینؑ تک مختلف راستوں پر تعینات رہے، تاکہ صفائی اور کوڑا کرکٹ اٹھانے کا عمل بلا تعطل جاری رکھا جا سکے

انہوں نے مزید بتایا کہ رکضۃِ طویریج کے آغاز سے قبل آخری گھنٹوں میں بھاری مشینری کو العباسیہ الشرقیہ اور اس سے ملحقہ علاقوں کی جانب منتقل کر دیا گیا، جبکہ زائرین کی آمد و رفت میں سہولت برقرار رکھنے کے لیے صفائی کا کام دستی طور پر جاری رکھا گیا

ان کے مطابق بلدیہ کا عملہ زائرین کے گزرنے کے ساتھ ہی ان کے قدموں تلے سے فوری طور پر کوڑا کرکٹ اٹھاتا رہا۔ اس کے علاوہ مواکبِ حسینی، ماتمی دستوں اور زائرین میں کچرے کے تھیلے بھی تقسیم کیے گئے، جبکہ صفائی کی ٹیمیں مسلسل میدانِ عمل میں موجود رہیں

انہوں نے بتایا کہ اس دوران 30 ہزار ٹن سے زائد کوڑا کرکٹ اٹھایا گیا، جبکہ خدماتی کارروائیاں چوبیس گھنٹے بلا تعطل جاری رہیں

آخر میں حسن الشریفی نے کہا کہ رکضۃِ طویریج کے اختتام کے فوراً بعد شہر بھر میں صفائی اور دھلائی کی جامع مہم شروع کر دی گئی، تاکہ خدماتی صورتحال کو مکمل طور پر بحال کرتے ہوئے شبِ وحشت (11 محرم الحرام) کی مناسبت سے ہونے والی مذہبی تقریبات کے لیے شہر کو مکمل طور پر تیار کیا جا سکے