التسوّل الرقمي والتسلّق نحو الثراء.. بين مرض الاستجداء وجمع المال والشهرةحرم امام حسین علیہ السلام عراق بھر میں 25 اسپتال تعمیر کرے گا
بنیادی طبی سہولیات عوام کے دروازے تک پہنچانے کے لیے حرم امام حسین علیہ السلام نے عراق کے مختلف صوبوں میں 25 اسپتال بنانے کا اعلان کیا ہے
حرم کے ذیلی ادارے برائے انسانی امور کے اہلکار احمد عبد الرضا خفاجی نے کربلا انٹرنیشنل نیوز ایجنسی کو دیے گئے ایک بیان میں کہا کہ اعلیٰ دینی مرجعیت کے نمائندے جناب شیخ عبدالمہدی کربلائی کی ہدایت پر ایک جامع منصوبے کے تحت عراق کے مختلف صوبوں میں 25 اسپتال تعمیر کیے جائیں گے۔
انہوں نے مزید کہا کہ ہم وارث فاؤنڈیشن کے ذریعے عوامی تعاون سے معاشرے میں ایثار، انفاق فی سبیل اللہ، اور ضرورت مند مریضوں کے ساتھ اظہارِ یکجہتی کے جذبات کو فروغ دینا چاہتے ہیں، جس کے لیے حرم امام حسین علیہ السلام کی جانب سے مسلسل تعاون فراہم کیا جا رہا ہے۔
انہوں نے یہ بھی کہا کہ اس ادارے کا بنیادی کام کینسر کے مریضوں، خاص طور پر بچوں کی مدد کرنا ہے، جو بیرونِ ملک علاج کروانے کی استطاعت نہیں رکھتے۔ واضح رہے کہ ان ضرورت مند افراد کے علاج پر ماہانہ تقریباً دو ارب عراقی دینار خرچ ہوتے ہیں۔
ابو علی
